Ehh....

Í fyrirsögninni kemur fram fullyrðing en ekki orð um þetta í textanum. Annað hvort vantar helminginn af fréttinni eða þetta er léleg fréttamennska..... Að vísu sést í 24 stundum að þetta er álit viðmælenda en ekki í sömu frétt heldur í litlum kassa við hliðina á. En samt, finnst þetta léleg fréttamennska.

Minni hraði yki hættu á framúrakstri

Já já.....

Heimsmarkaðsverð lækkar, bensín hér hækkar....

http://www.mbl.is/mm/vidskipti/frettir/2008/08/08/oliuverd_undir_116_dolum/

Ég er hættur að skilja, ekki það að ég hafi nokkurn tíma gert það......

Eldsneyti hækkar í verði hjá N1

Lækkun!!!!

Loksins, N1- lækkar núna enda ekki við öðru að búast þar sem gengið hefur breyst og olía lækkað.

En.....
Breyting á genginu er sú sama niður á við núna og hún var upp á við fyrir helgi þegar bensín hækkaði um 3,5 krónur. Olíuverð hefur farið niður í heiminum í dag. Af hverju er lækkunin bara 1 króna?????????

N1 lækkar eldsneytisverð um krónu

Auðvitað...

Að sjálfsögðu þurfa allir að vera með, annars er ekkert gaman að þessu

Að sjálfsögðu verður að grípa strax til aðgerða (hækkana) til þess að verða ekki fyrir tapi (græða minna en annars). Auðvitað verður fyrirtækin að vera fljót þegar gengið tekur heljarstökk aftur á bak því annars geta þau stórtapað. Að sjálfsögðu verða fyrirtækin líka að fara varlega þegar gengið tekur heljarstökk í hina áttina því heljastökkið getur hæglega endað með brotlendingu og því betra að vera við öllu búinn.......

Annars á ég erfitt með að skilja fjármál fyrirtækja, nógu erfið eru mín eigin fjármál. En ætla yfirvöld í alvöru ekkert að gera í því að skoða þessar hækkanir???? Ég er ekki að segja endilega að það eigi að lækka gjöld og skatta (væri ekki slæmt samt) heldur af hverju olíufélögin séu alltaf svo miklu fljótari með hækkanir en lækkanir þegar gengi eða heimsmarkaðsverð breytist.

Ég ætlaði annars að vera voða flottur og setja þetta röfl mitt í "færsluflokk" en var ekki viss hvort ég ætti að setja þetta í viðskipti og fjármál, sem þetta endaði í eða í dægurmál, stjórnmál og samfélag, lífstíl (bílar eru lífstíll) eða spaugilegt. Það vantar samt einn flokk finnst mér, "nöldur".

Atlantsolía hækkar verð

Dómaraskandall...?

Þá er búið að skipa nýjan dómara hjá mér. Eins og fólk hefur líklega tekið eftir þá hefur þetta verið örlítið umdeilt. Hvers vegna?

1. Viðkomandi dómari er skyldur gömlum pólitíkus sem er að því sagt er ennþá með nokkuð góð ítök. Spilling??
Spilling í einhverri mynd er líklega það sem mörgum dettur í hug. Ef þetta væri í Zimbabwe mundi enginn efast um að þetta væri ekkert nema spilling, á Kúpu væri þetta eðlilegur hluti af stjórnarháttum (sem þykja yfirleitt ekki mjög lýðræðislegir). Er það sama í gangi hér?

2. Hva, hann hlýtur að vera hæfur, hann má ekki gjalda fyrir hver pabbi er.
Já, hann er hæfur. Það voru 3 sem þóttu hæfastir í áliti nefndarinnar sem fjallar um þetta samkvæmt lögum. En... þessi var ekki einn af þessum þremur heldur tveimur flokkum neðar... hmm.. skoða lið eitt betur kannski?

3. En það er ráðherra sem ræður....
Já, svo er víst. Var ekki nefndin sett inn samt til þess að hæfasti maður yrði ráðinn í hvert sinn? Verst hvað það var lítið farið í þessi lög í líffræðinni...

4. Ráðherra segir að dómnefndin hafi ekki unnið sína vinnu nógu vel og að viðkomandi maður hafi verið hæfari en þeir 3 sem voru taldir hæfastir, og þeir sem komu næst á eftir....
Ef ég fæ í hendur álit sem mér finnst illa unnið í minni vinnu þá er vaninn að tala við viðkomandi og reyna að fá hlutina bætta eða skýrða betur, sérstaklega ef það er ekki beint á mínu sviði. Það er samt gott að ráðherra hafi lært meira í lögfræði en ég í líffræðinni (er hann ekki dýralæknir eða er það misminni?)

5. Ráðherra tók ákvörðun um val á dómara að vel ígrunduðu máli, það hlýtur að vera rétt.
Hann er fljótar að hugsa miðað við fréttir af tímasetningum. Hann er bara nokkra klukkutíma að fara yfir álit nefndarinnar og gögn umsækjanda og sér það strax þvílíkt bull þessi nefnd er með og hver er hæfastur.

6. Ég verð að passa mig að brjóta ekkert af mér til að sjá ekki hversu góður þessi dómari er

Jól á réttum tíma

Smá fyrir nöldurhornið hjá mér

Dráp í lagi en ekki klám....

Ég hef lengi haldið því fram að Bandaríkjamenn og stríðið þeirra sé fáránlegt. Eins hef ég aldrei getað skilið hvað þeir eru á móti beru holdi okkar mannanna á sama tíma og blóð og dráp virðist vera í góðu lagi. Ég rakst á þessa frétt á öðrum fréttavef sem sýnir akkúrat þetta. Þarna er búið að planta mönnum í herstöðvar, jafnvel eru þeir staddir í stríði þar sem þú gætir farið heim í kassa á morgun. Þessum mönnum eru afhent vopn og þjálfaðir í notkun þeirra til að drepa (eða verða drepnir) en aumingjans mennirnir hafa ekki mátt skoða bert hold í saklausum tímaritum eins og Playboy og Penthouse (fyrr en núna).

Sem betur fer eru þó ekki allir Bandaríkjamenn sammála þessu eins og kemur fram í lok fréttarinnar.

Ólöglegir bardagamenn?

Ein af megin rökum Bush og félaga fyrir því að "fangar" í Guantanamo séu ekki stríðsfangar og njóti því ekki réttinda sem slíkir er að þeir séu ekki hermenn heldur sé um óvinveitta bardagamenn að ræða. Óvinveittir bardagamenn voru endurskilgreindir eins og margt annað í stríðinu gegn hryðjuverkum. Í stað þess að vera óvinahermenn voru þetta orðnir bardagamenn "frá mörgum löndum, án einkennisbúninga sem nota óhefðbundin vopn" (hvað er óhefðbundið annars, bílasprengja eða hátækni leiserstýrð eldflaug?).

Núna sleppa "verktakar" Bandaríkjastjórnar í Írak við að vera ákærðir en ég sé samt ekki mikinn mun á þessum "verktökum" og óvinveittu bardagamönnunum sem sitja í búrum á Kúpu (mismunandi málstaður að vísu). Þessir menn eru ekki í einkennisbúningum, koma frá mörgum löndum og þetta með óhefðbundu vopnin er spurning (þeir sem sitja í Guantanamo notuðu líklega sömu vopn þegar ráðist var á Afganistan).

Horfði á þátt í sjónvarpinu í gær þar sem var verið að lýsa uppreisn Talibanskra fanga í virki í norðanverðu Afganistan. Þar sáust meðal annars myndir af vopnuðum CIA mönnum, óeinkennisklæddum, og bandarískum sérsveitarmönnum, sem voru ekki í einkennisbúningi heldur í álíka sambræðingi og fangarnir. Þarna voru notuð vopn sem mætti kalla óhefðbundin, m.a. 2000 punda sprengju sem var varpað á virkið og var stýrt með leisermiði (rataði ekki í mark og drap nokkra hermenn Norðurbandalagsins og særði breska og bandaríska hermenn).

Núna eru Bandaríkjamenn búnir að setja línurnar fyrir þessa menn, það ætti að vera hægt að handtaka þá, pína þá (svona létt) og halda þeim einangruðum utan laga og reglu. Eða hvað?

 

(Eftirfarandi er tekið af Wikipedia)

1. ^ Detention of Enemy Combatants Act (Introduced in House) 109th CONGRESS 1st Session H. R. 1076March 3, 2005

(8) The term 'enemy combatant' has historically referred to all of the citizens of a state with which the Nation is at war, and who are members of the armed force of that enemy state. Enemy combatants in the present conflict, however, come from many nations, wear no uniforms, and use unconventional weapons. Enemy combatants in the war on terrorism are not defined by simple, readily apparent criteria, such as citizenship or military uniform. And the power to name a citizen as an 'enemy combatant' is therefore extraordinarily broad. (Emphasis added)

 

Öryggisverðir Blackwater njóta friðhelgi

Jafnrétti á réttri leið

Ég renndi í gegn um bloggin mín og sá að þau voru á heildina litið frekar mikið nöldur út af hinu og þessu (ekki allt samt). Ég hóf því leit að einhverju sem ég gæti verið jákvæður út af

Eftir mikla leit sá ég að það er kanski ekki af ástæðulausu sem lítið er af "jákvæðni" hérna hjá mér. Fréttirnar eru frekar lítið jákvæðar.

Titillinn á þessari var þú mjög jákvæður en þegar fréttin er skoðuð sést að konur eru samt innan við 20% af þingmönnum. Þetta hlýtur þó að vera á réttri leið, þetta er meira en er að meðaltali á evrópsku þingunum, þeim fer fjölgandi í Frakklandi og um helmingur ráðherra er kvenkyns. Það eru því nægar ástæður til að segja að þetta sé jákvætt.

Aldrei fleiri konur á franska þinginu

Hversu margir eru í raun sekir?

Maður kemst ekki hjá því að velta þessu fyrir sér þegar maður sér að hverjum "fanganum" af fætur öðrum er sleppt lausum úr ekki-fangabúðunum í Guantanamo. Þessir fjórir Yemenar eru búnir að dúsa þarna inni utan lagar og réttar í nokkur ár og þurft að þola meðferð sem er kölluð pynting hjá flestum, nema Bandaríkjamönnum (ok, sumir eru líklega verri). Ástæðurnar fyrir því að aumingjans mennirnir hafa þurft að dúsa þarna eru greinilega ekki nógu góðar til þess að fara með þá fyrir "dómstól", sem er samt sérhannaður til þess að "dæma" þessa menn utan allra laga.....

Ég kalla þetta ekki-fangabúðir þar sem þetta eru í raun ekki fangar þarna. Þeir eru ekki þarna eins og hverjir aðrir glæpamenn né heldur sem stríðsfangar þannig að þetta geta ekki verið fangar enda fá þeir yfirleitt réttarhöld og refsingu samkvæmt því.

Fjórir Jemenar látnir lausir í Guantánamo fangabúðunum