Færsluflokkur: Bloggar

Hmm...

Nú hef ég ekki lesið fréttina sjálfa úr Aftonbladet en geri ráð fyrir að einhverjir aðrir hafi verið duglegri en ég í þeim efnum. Var fréttin bara um meinta sölu líffæra úr Palestínumönnum eða var eitthvað annað í umfjölluninni sem fór fyrir brjóstið á Ísraelum, og sumum Ítölum?

Annars er ég stuðningsmaður málfrelsis og ritfrelsis og tel að ekki eigi að takmarka það.


mbl.is Ítalir vilja að ESB fordæmi Aftonbladet
Tilkynna um óviðeigandi tengingu við frétt

Jón og séra Jón..

Hryðjuverkalög sett á vinaþjóð.....

Dæmdum hryðjuverkamanni sleppt úr fangelsi......

Spennandi að sjá hvort það sé rétt að bretar standi á bak við þetta síðarnefnda eins og menn vilja halda fram.


mbl.is Skoska þingið til neyðarfundar
Tilkynna um óviðeigandi tengingu við frétt

Og mismunurinn fór...?

"...að 60% innlána hafi komið frá Bretlandi, eða 970 milljarðar króna. Á sama tímapunkti námu útlán til viðskiptavina í Bretlandi 538 milljörðum króna."

Mismunurinn á þessu er 432 milljarðar ef ég reikna rétt. Hvað varð um þá?

Síðan er það síðasti hlutinn sem ég á bágt með að skilja:

"Ef miðað sé við að svipuð fjárhæð hafi verið á Icesave-reikningum í lok júní og við hrun bankans, eða um fjórir milljarðar punda, námu bresku Icesave-innstæðurnar á þessum tímapunkti um 630 milljörðum króna. Samkvæmt þessu má því segja að stærstur hluti Icesave-peninganna hafi farið í bresk útlán. En einnig mætti taka svo til orða að Icesave-innstæðurnar hafi staðið undir útlánum bankans í Bretlandi."

Miðað við þetta er gert ráð fyrir að bara innistæður hafi breyst í krónutölum en ekki útlánin. Ég er kanski bara að misskilja þetta á rangan hátt....

ps.
skrýtið að Icesave sé ekki komið inn í púka eins algengt og þetta orð er hér Devil


mbl.is Hvert fóru Icesave-peningarnir?
Tilkynna um óviðeigandi tengingu við frétt

Áfram sukkað?

Miðið við þessa frétt eiga starfsmenn ekki að fá bónus fyrir vinnu í ónýtum banka, þvert ofan á allar fréttir í gær. Maður verður að vona að þetta sé rétt.

Aftur á móti er gert ráð fyrir starfsmenn fái bónusa þegar búið er að koma bankanum aftur á flot. Menn gera sem sagt ráð fyrir að sama sukkið og vitleysan verði áfram. Telja menn þetta bara eðlilegan hlut, að starfsmenn fái fáránlega bónusa við það að græða sem hraðast (á pappírum) óháð því hvað gerst daginn eftir? Það þarf virkilega að taka til í þessum málum og jafnvel hugarfari ansi margra auk þess að setja stífar reglur um bónusa og aðrar sporslur.


mbl.is Gert ráð fyrir 50% endurheimtum af kröfum
Tilkynna um óviðeigandi tengingu við frétt

Æfir yfir....?

... því að dönsk fyrirtæki hafi líka verið að sukka?

... að það hafi verið gert opinbert að dönsk fyrirtæki hafi líka verið að sukka?

... að danskur almenningur gæti farið að spyrja óþægilegra spurninga?

... hættu á danskri búsáhaldabyltingu?


mbl.is Danir æfir yfir lekanum
Tilkynna um óviðeigandi tengingu við frétt

Einskiptishagnaður ??

Alltaf sér maður eitthvað nýtt. Hvernig í ósköpunum virkar þetta? Þýðir þetta kannski að sumir geti greitt sjálfum sér góðan arð? Manni dettur það bara svona í hug þegar maður hugsar um kaup sumra á skuldsettum fyrirtækjum og græða á því.........
mbl.is Hagnaður hjá Ford
Tilkynna um óviðeigandi tengingu við frétt

Merkilegar umræður

Það er mjög merkilegt að lesa þær umræður sem eru út af þessari frétt. Stórum hluta þeirra sem hafa skrifað eitthvað út af henni finnst allt í lagi að svindla á kerfinu. Og ekki nóg með það heldur nota þeir þá afsökun að þetta sé allt í lagi af því að aðrir hafi svindlað miklu meira.

Er þetta ekki mjög svo tvöfalt siðferði? Af því að XX svindlaði þá má ég líka svindla. Er þetta ekki það sama og að segja að af því að ég svindla þá er allt í lagi að XX svindli líka? Skiptir nokkru máli hvort svindlið sé stórt eða lítið?

En þar sem margir eru að svindla, stórt eða smátt, þá sit ég sjálfur í súpunni. Ég þarf bæði að borga stóra svindlið hjá XX og líka það sem er verið að svindla með olíunni. Og fólki finnst það bara allt í lagi.

Svona að lokum. Er í lagi að drepa mann af því að Hitler og Stalín drápu miklu miklu fleiri??


mbl.is Milljónasvindl með litaða olíu
Tilkynna um óviðeigandi tengingu við frétt

Réttlæti?

Ég er kannski eitthvað að misskilja þetta en...

Bretar neita að borga innistæður í KSF, sem var breskur banki í eigu íslendinga. Á sama tíma snúa þeir upp á höndina á okkur og vilja að við borgum skuldir vegna Icesave. Af hverju eigum við að borga á meðan bretar neita að borga fyrir nákvæmlega sama hlutinn????


mbl.is 100.000 undirskriftir vegna taps KSF
Tilkynna um óviðeigandi tengingu við frétt

Björgun ? (með stóru ?)

Þetta hljómar barasta ágætlega svona við fyrstu sýn. EN...

Hverjir munu ráða ferðinni ef að álframleiðandi er kominn með svona mikið af jöklabréfum í sýnar hendur? Verður viðkomandi kominn með kverkatak á okkur þegar sú staða er komin upp?


mbl.is Eigendur jöklabréfa fjármagni álver
Tilkynna um óviðeigandi tengingu við frétt

Er álið málið????

Ef að maður tekur umhverfismálin út fyrir þetta dæmi núna þá má velta ákveðnum hlutum með fleiri álver fyrir sér og hversu góð þau séu til að redda okkur út úr vandanum sem við erum í núna.

  1. Álver verða ekki byggð á morgun eða næsta ári. Framleiðendur hafa ekki fjármagn umfram aðra (allir vita hversu erfitt er að nálgast það í dag) auk þess sem eftirspurn hefur minnkað og þar með þörf á nýjum álverum. Álversbyggingar geta líklega fyrst farið af stað um það leiti sem efnahagslífið fer að rétta úr kútnum, þar með talið hér á landi.
  2. Í dag er álútfluttningur um einn þriðji af útfluttningstekjum okkar íslendinga, rétt rúmlega það ef ég man rétt. Þegar búið er að byggja álver í Helguvík og á Húsavík verður þetta hlutfall mun meira, líklega yfir helmingur af tekjum okkar.

Þegar mögulegt verður að fara af stað í byggingu álvera, verður þá einhver þörf á slíkri innspýtingu lengur? Þetta er ekkert sem getur reddað okkur hér og nú. Viljum við verða svo háð álverunum sem allt stefnir í? Hvernig verður það þegar Alcoa verður komið með tvö risaálver á landinu og hafa þar með áhrif á kannski 1/4 af útfluttningstekjum okkar, verðum við ekki alveg undir hæl þeirra? Eða þegar Rio Tinto verður komið með álíka mikil áhrif? Er þetta virkilega það sem við viljum??

Umhverfismál eru síðan sér kafli sem ég ætla ekki að fara út í hér.


mbl.is Álið leysir vandann
Tilkynna um óviðeigandi tengingu við frétt

Næsta síða »

Um bloggið

Magnús Björnsson

Höfundur

Magnús Björnsson
Magnús Björnsson
Þetta er hugsað sem athvarf fyrir ruglingslegar hugsanir höfundar og almennt bull.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband